بسم الله الرحمن الرحيم
يوم من الايام كان الطقس في غاية الروعة و الجمال
حيث الشمس المشرقه والنجوم المتلألئة (س:يضحك )
والطيور تحلق في السماء
كان (الحساوي) و ( ميكائيل ) و(نداء الخلود ) يذاكرون للاختبار
نداء الخلود : طفششش مليت من المذاكره
ميكائيل : اي والله ... اقول الحساوي عطنيه زقاره
الحساوي : ياخي خف على روحك هذه ثالث زقاره
ميكائيل : شسوي راسيه مصدع من هالمذاكره
نداء الخلود : اقول شباب .. عنديه لكم فكرة تخليكم تنجحون بدون مذاكره
الحساوي&ميكائيل : شنو الفكره
نداء الخلود : البراشيم
الحساوي : فكرة حلوه
ميكائيل بندفاع : ياخي ماتخاف من الله انت .. من غشنا فليس منا ..
ميكائيل: انا عندي فكره احسن
الحساوي : شنو فكرتك يا اديسون
ميكائيل : منهو اديسون ذا
نداء الخلود : ذا اللي اخترع السوني
الحساوي : يالغبي .. اديسون هذا سواق جارنا
ميكائيل : اهاا ..
الحساوي : يلا عطنا فكرتك
ميكائيل : انا اليوم شفت الوكيل وين حاط اسئلة الاختبار ..
وش رايكم نروح المدرسة بالليل ونبوق الاسئلة
نداء الخلود : يعني البراشيم حرام والبوق حلال
ميكائيل: شفيك انت الضرورات تبيح المحظورات >> فاهم الحديث غلط
الحساوي : مجنون انت بتبوق المدرسه
ميكائيل : صدقوني طريقة مضمونه بس يبيلها خطه
نداء الخلود : خلني افكر
ميكائيل : فكروا على مااروح اشتري ليه سفن اب يبرد على قلبيه وبجي
راح ميكائيل
نداء الخلود : شكله واثق من فكرته
الحساوي : ماعليك ذا انسان مستهتر بحياته
جا ميكائيل
قعدوا ساكتين كل واحد يفكر بالفكره الشيطانيه اللي قالها ميكائيل
اذن الظهر
ميكائيل : لحظة شوي بس باقي كم جغم ويخلص القوطي
نداء الخلود : انزين بس اسرع عاد
خلص ميكائيل من السفن
ميكائيل : يلا مشينا نصلي وبعد مانصلي ونعين من الله خير نفكر شلون نبوق المدرسه
نداء الخلود : توكل على الله
الحساوي : خوش والله بيطلع من المسجد وبيبوق
ميكائيل : اقول اكرمنا بسكوتك احسن
بعد الصلاة ...
الحساوي : والله انكم بتودونا في داهية
ميكائيل : ماعليك انت انا مضبط الامور ،، خلاص الوعد الليلة الساعة 8 يم المدرسة
نداء الخلود: ليش ماتخليها العصر ولا مع الطابور
ميكائيل : تتطنز علي
نداء الخلود : ماادري عنك .. احد يبوق 8
ميكائيل : علشان نخلص مبكر ونرقد
الحساوي : اي والله صاج
الهدف : يدخلون المدرسة ويشوفون الحارس مقتول يكتشفون انه القاتل في المدرسة
يشوفون القاتل ويحاولون ينحاشون
بس القاتل مايخليهم ويحاول يقتلهم
موت نداء الخلود توبة الحساوي وميكائيل